Chwarae dan do

Mae’n cartrefi yn leoedd gwych i blant chwarae. Mae gwneud lle ac amser i dy blentyn chwarae yn eu cartref bob dydd yn bwysig. Bydd dy blentyn yn gwneud defnydd creadigol o’r gofod sydd ar gael – cornel o ystafell hyd yn oed – os oes ganddyn nhw ychydig o dameidiau chwarae a’r rhyddid i chwarae.

Mae’r adran yma’n cynnwys syniadau chwarae syml a hwyliog i dy blentyn fwynhau yn ac o amgylch y cartref – o wneud cuddfannau dan do, i chwarae yn y tywyllwch, i gemau fel chwarae cuddio.

Gellir chwarae nifer o’r syniadau chwarae tu allan yn yr ardd neu gellir eu haddasu i’w chwarae yn dy gartref. Nid ydym yn awgrymu bod angen i chi weithio drwy’r holl gemau a’r gweithgareddau hyn! Mae nhw yma i dy ysbrydoli pan fydd dy blentyn eisiau help efallai i ddewis beth i’w chwarae.

Amser sgrîn

Mae ffonau clyfar a llechi yn wych ar gyfer cadw mewn cysylltiad gyda ffrindiau a theulu ar adegau fel hyn. Mae hyn yn arbennig o wir i blant a phlant yn eu harddegau aros mewn cysylltiad â’u ffrindiau. Ond, os wyt ti’n poeni bod dy blentyn yn treulio gormod o amser o flaen sgrîn, mae ganddom ni lu o gynghorion ar gyfer cefnogi agwedd gytbwys tuag at amser sgrîn i fabanod, plant a phlant yn eu harddegau.