Hwyl yn yr ardd – llyfr stori am hawl plant i chwarae I ddathlu Diwrnod Rhyngwladol Llyfr y Plant, mae Chwarae Cymru wedi lansio llyfr stori newydd am hawl plant i chwarae, sydd wedi ei ysgrifennu ar gyfer plant ysgol gynradd a’u rhieni. Mae Hwyl yn yr ardd yn ein hatgoffa sut y gall yr holl oedolion ym mywydau plant un ai gefnogi neu rwystro’r hawl i chwarae. Mae’n crynhoi pwysigrwydd cymunedau cefnogol a goddefgar wrth helpu plant i wireddu eu hawl i chwarae. Sut alla i gael copi o Hwyl yn yr ardd? Os hoffech chi dderbyn copi yn rhad ac am ddim mae’n rhaid i chi: Fod yn byw neu’n gweithio yng Nghymru Cofrestru i’n rhestr bostio (sgroliwch i waelod y dudalen) Rannu eich manylion, gan gynnwys cyfeiriad postio, trwy ebost Sut y datblygwyd Hwyl yn yr ardd Gweithiodd Chwarae Cymru gyda storïwr, cartwnydd a phlant blwyddyn 6 yn Ysgol Gynradd Charles Williams yng Nghaerleon i ysgrifennu Hwyl yn yr ardd. Mae’n ddilyniant annibynnol i Hwyl yn y dwnjwn. Dros nifer o wythnosau, ystyriodd Dosbarth Afan stori Hwyl yn y dwnjwn a meddwl am eiriau a syniadau creadigol i archwilio pam oedd cymeriad canolog y llyfr cyntaf, y Frenhines, mor negyddol tuag at chwarae. Gweithiodd Chwarae Cymru mewn partneriaeth â Petra Publishing i ddatblygu'r llyfr stori.